熙熙入院

阿熙肚痾, 一日痾7-8次, 高燒拎續唔退, 入左院.

詳情去我 yahoo blog度睇.

經過今次呢件事, 我會更加小心, 因為細路真係由我地去照顧, 佢地真係咩都唔識, 係我地的疏忽, 令到佢地痛苦.

爸爸好忙

鼻位生唇瘡巧樣衰啊, 宜家結緊焦, 好似一塊鼻k痴係處咁, 好肉酸呀.
爸爸依然係好忙, 忙到見我地都唔得閒, 都唔好話請工人, 佢點會得閒搞啊
就算打左俾 agent, 佢都忙到冇時間 in人啦, 唯有遲d先算
佢忙到連星期六日都要開工, 救命.......
爸爸咁夜返, 晚晚都係請細e上來幫忙睇住泰寶一陣, 俾我入去沖涼

唔該晒梓塋媽&晴媽的幫忙, thx so much!!

好涷

呢幾日都好涷
老公好陰公, 晚晚 ot 到12點先返家
基本上佢返到來, 我地都訓左.
唔係我唔想等佢, 只係呢幾日親戚來訪
我真係好攰, 仲有暗泰寶訓, 我自己都訓埋...
唔夠訓抵抗力真係差左, 近鼻位生左d類似唇瘡的物體, 好c癢啊
拎左泰寶d藥膏來擦, 又好似好d...
唇瘡要發出來, 都無法子
要樣衰幾日, 坐車帶返個 mask遮下
泰寶晚晚都痴身到不得了
我去廁所, 斟水飲, 行入廚房洗隻碗, 佢都喊
都唔好講沖涼, 我放佢入網床度, 高效率搞店自己
佢又係喊到擦天........
仲之一唔見你, 就喊, 唔知佢整乜?
今個月快d過啦, 咁老公就快 d 忙完

我唔想

次次都係咁, 我唔知係唔係所有男人都係咁, 問佢想點的時候, 佢梗係答返你一句, 你唔想...
冇錯, 我唔想的事多的是, 係唔係可以一次過滿足晒我啊

我唔想個囝俾人湊
我唔想雇用工人
我唔想同個外人一齊住
我唔想又要返工又要湊仔
我唔想冇左份工, 冇左份糧
我唔想擔心阿仔太多嘢
我唔想你咁樣, 又係答我唔想呢句
我唔想再有煩惱
我唔想再為日後的生活而擔憂
我唔想以後都係咁....
我唔想一個人決定晒所有嘢
我唔想後悔
我唔想你咁緊張份工
我唔想你日日ot到咁夜

我唔想………

係唔係一句我唔想就可以先, 有d嘢都係要決定架!

我唔知呢d係尊重你的另一半, 定係推卸責任

今日冇雨, 但我的心情好灰.....

放開D, 開心D, 加油!

睇左HON媽的卜, 知道HON B病左, 發燒幾日
非常非常了解HON媽的心情, 因為上次泰寶痾嘔, 我都擔心到想 C
見到佢好餓, 見親奶奶都MUG MUG咁叫, 但一次過唔可以食太多, 仲有每次俾完佢食無耐, 佢又嘔返晒出來, 做為阿媽的我, 真係喊左出來, 因為幫佢唔到, 佢又餓, 但食完又嘔
仲有見到佢痾到個PAT PAT都紅晒, 真係唔想再執C
其實細路病, 我地做阿媽既, 睇見佢咁辛苦, 真係好想情願病果個係自己, 真架?每次都係咁想
好似佢地厭奶咁, 我地又係擔心到, 怕佢地唔食嘢會奀晒, 做為阿媽就係咁, 咩都擔心一餐
次次都同自己講, 要放開D心情, 因為細路係會病, 病左先會有抗體, 個個的成長路程都係咁樣
個心係咁想, 係咁安慰自己, 但係真係好難做
佢地病左, 我地真係咩都唔想做, 滿腦子都係想阿B快D好返, 唔知點樣做先可以幫到佢呢?
點解會無啦啦會中招架?點解病果個唔係自己喎,一係最衰都係自己啦, 搞到阿B病啊.

我唔知係唔係個個都係咁想...

有時都覺得自己好白痴, 個個都想自己的仔女可以健康快樂地成長既啦
但其實病病都係成長路程的一份子, 係人都會病, 因為我地係凡人, 並不是神仙
每次咁諗完, 個心又會放開左小小

各位媽媽, 大家一齊加油啊!!

決定

最後決定都係請工人, 雖然心理面有幾百萬個不願意
自己湊梗係最好啦
不過無法子, 最主要係睇長線的經濟
第時阿囝讀幼稚園, 要用好多好多$$$
心內面有左呢個決定, 但仲要同老公再傾傾

唔知大家有無好D的工人可以REFER俾我呢?