感冒菌入腸

泰宝真係好"散" 又病, 唔知點解??
無啦啦感冒菌入腸, 上嘔下痾, 其實知道涷, 蛇GUI阿媽已經幫佢著多件衫, 可能夜晚又FU 被啦...有時真係眼訓, 起唔到身幫佢再蓋被, 都怪自己太好訓....
嚇C我啊, 抱住佢一齊喊, 佢嘔完喊, 我又喊
見住佢真係好辛苦, 好陰公
星期4晚啦啦聲同佢去睇醫生, 何醫生話佢係中左病毒, 仲問屋企有冇病, 痾嘔.
本來以為食左藥會無事, 因為何醫生話好小事
點之打的返去時, 已經嘔返晒之前的奶出來, 我一身都係, 中晒招.
第2日食完又嘔返出來, 全日都無乜點食過嘢, 天氣又涷, 佢D 手腳涷到白晒
做人阿媽望到個仔咁, 真真真係特別心酸....
星期5又係咁, 嘔完又痾...我打去俾何醫生問佢點
何醫生: 沈太, 我都幫你唔到, 再係咁, 你真係要同佢入院檢查一下
我: 下...入院呀...
何醫生: 係啊, 你再咁, 會脫水, 佢咁細過又唔用得藥啊
星期六一早起身食完又嘔, 我真係嚇到鼻哥窿無肉
爸爸決定去睇ST.PAUL睇睇, 如果入院就入ST.PAUL
去到ST.PAUL, 姑娘話佢地冇急症, 只有門診, 仲要等個零鐘....我已經急到C, 仲點等
即時打俾爸爸的同事問問, 睇下佢睇開的註疹ST.PAUL 診所醫生係邊
唔知點解我想起麥醫生, 即時打去俾佢, 問問, 原來佢有註診養和
又飛的去睇DR.MAK, 好彩有佢, 真係要多謝佢, 睇完佢, 我個心定左落來
DR.MAK: 佢咩事啊, 痾嘔啊, 呢幾日都有BB係咁, 係D感冒菌入左腸, 其實個詞語有D怪, 但只可以咁講, 令到你地明白D. 你地呢兩日唔好再俾奶佢食啦, 聽日食白粥, 粥水, 後日就可以加D 瑤柱, 瘦肉, 鴨腎去調味, 再後日可以飲奶, 但都只係一半水一半奶, 食小D, 唔怕, 好過你食左又嘔返晒出來, 食左=無食過. 營養既嘢好返先再補返啦, 無法子, 宜家D菌太犀利, 真係要小心D.
我: 明白, 仲有佢D手腳又出濕疹啦. 可能病既關係
DR.MAK: 睇下先, 係喎, 手臂幾嚴重下, 擦D 藥膏啦, 不過好返就唔好再擦啦! 仲有有兩包早晚食既藥, 都唔係藥來既, 一隻係調理腸胃, 一隻係俾佢半水飲, 補充返D水份, 係咁痾嘔會脫水, 早晚食既咋, 記得唔好俾佢飲奶就會快D無事.
我: 好好.
後記, 雖然呢個醫生真係貴, 但人地真係貴得有道理, 睇完我成個人定晒, 真係再一次多謝JACK媽介紹.