我唔想

次次都係咁, 我唔知係唔係所有男人都係咁, 問佢想點的時候, 佢梗係答返你一句, 你唔想...
冇錯, 我唔想的事多的是, 係唔係可以一次過滿足晒我啊

我唔想個囝俾人湊
我唔想雇用工人
我唔想同個外人一齊住
我唔想又要返工又要湊仔
我唔想冇左份工, 冇左份糧
我唔想擔心阿仔太多嘢
我唔想你咁樣, 又係答我唔想呢句
我唔想再有煩惱
我唔想再為日後的生活而擔憂
我唔想以後都係咁....
我唔想一個人決定晒所有嘢
我唔想後悔
我唔想你咁緊張份工
我唔想你日日ot到咁夜

我唔想………

係唔係一句我唔想就可以先, 有d嘢都係要決定架!

我唔知呢d係尊重你的另一半, 定係推卸責任

今日冇雨, 但我的心情好灰.....