12月27號星期日, 好痴身

今晚又涷啦, 今日冇乜節目, 因為已經玩左幾日, 係時候要抖抖
爸爸媽媽聽日要返工啦!
今日爺爺來訪, 一來到就話阿囝瘦左, 梗係瘦啦, 食左幾日粥水+希奶啊
不過唔緊要啦, 最緊要係好返冇事, 其他遲下再補下
媽媽趁住囝囝訓覺, 去左買餸, 前後都只係一個鐘左右
LIFT門一開就聽見阿囝係處大喊
梗係又係發現唔見左媽媽啦
媽媽一開門, 喊得仲大聲
不過媽媽去完街市, 梗係第一時間洗手+換衫先啦
泰寶見我唔抱佢, 喊得仲淒涼
媽媽一抱, 即時收聲...
阿囝你咁, 媽媽聽日點捨得返工啊