激c人

究竟係我緊張定係乜呢?
以為泰寶差不多好返啦, 點之條友琴晚又嘔
頂....真係"好散"呀!!
今早一早打去問醫生, 因為醫生由明日下午開始放大假到一月4號先開
醫生: 沈太, 你地19號來睇過, 咁bb返去有冇再嘔同痾過啊?
我: 冇啊, 食左兩日粥仔都冇事
醫生: 咁佢幾時嘔過啊?幾時食返奶啊?
我: 21號先食返奶, 都冇事, 琴晚食左150ml, 又嘔
醫生: 咁有冇痾啊?
我: 琴日前日都係痾一次, 便便黃黃地色有陣酸味
醫生: 咁你有冇照足我咁做, 開希一半奶俾佢啊
我: 我星期一就有開一半水一半奶, 琴日開多小小奶, 唔係一半一半
醫生: 咁唔得架, 你俾佢個胃仔抖多幾日先, 唔洗怕, 餓下佢, 同埋奶真係好難消化架, 佢個胃仔都未 ready, 咁佢有冇胃口食啊?
我: 胃口啊, 都ok既, 但唔太想食粥, 奶就好似中意 d lor, 仲有好中意食白方包
醫生: 咁精唔精神啊?
我: 精神 ok, 唔錯
醫生: 咁啦, 你今日再開希d奶先啦, 餓就俾d粥水佢飲下啦, 餓下佢啦, 都係果句, 營養呢d, 好返晒先再食過啦. 仲有我聽日下午開始放假啦, 你睇下今晚點先啦!
一心以為好返晒, 唔洗怕, 點之手尾真係長.
阿囝病, 我已經好心煩, 點之又收到家姐話佢個囝1月4號-13號要考試, 佢要去湊仔返學放學, 個仔都中學啦, 係唔係時候要放開下呢?
咁我可以點啊? 一係俾阿囝跟埋佢去湊返學放學, 日日跟佢由 CW 去到 SSP, 一係就自己又請假湊返!
真係有D激氣, 當初你應承我果時就唔好咁口響, 你應該講明自己要多d 時間湊仔, 係想搵part-time, 唔係要 full time, 咁就唔會搵你幫手.
講真, 打份長工根本無可能俾你湊到囝, 如果得的話, 我一早都自己湊左啦!!